Kurabiet ashtu si dhe melomakaronat jan ëmbëlsira tradicionale greke që bëhen për krishtlindje.
- 2 filxhan gjalpë
- 1/2 filxhan sheqer pluhur
- 2 vanilje
- 1 filxhan bajame të zbardhura dhe të pjekura të thërrmuara
- 4 filxhan miell i zakonshëm (alatini)
- Pak ujë lulesh (rose water)
- Sheqer pluhur për spërkatje nga jashtë
Përgatitja
- Në një tigan vendosim bajamet pasi ju kemi hequr zhapën i pjekim deri sa të marrin ngjyrë të verdhë, i godasim në mikser të thërrmohen.
- Mund ti thërrmojmë në copa mund ti bëjmë dhe pluhur kjo varet se si i preferojmë në kurabie.
- Godasim në mikser gjalpin me sheqerin dhe vaniljen nëse përdorim vanilje farë duhet ta zbardhim atë, nëse përdorim pluhur e bashkojmë me miellin.
- Ndalojmë mikserin dhe shtojmë miellin duke punuar brumin me dorë, hedhim bajamet dhe punojmë dhe pak (bajamet duhen të jenë të ftohta).
- Nëse ngjit brumi në duar hedhim dhe pak miell akoma.
- Brumi duhet të jetë i bardhë dhe i butë.
- Presim copa nga brumi dhe i bëjmë toptha sa një arrë i shtypim me gisht në mes lehtë.
- Vendosim topthat në një tepsi të lyer me gjalpë, pjekim në furrë të ngrohur paraprakisht 175 ºC për 30 minuta.
- Ndërkohë që piqen kurabjetë shtrojmë sheqer pluhur në një letër alumini dhe vendosim kurabjetë menjëherë sa ti nxjerrim nga furra, i spërkatim me pak ujë lulesh dhe më pas i spërkatim me sheqer pluhur përsipër me një sitë mielli sa janë akoma të nxehta.
- I lëmë të ftohen mirë dhe i vendosim në një pjatelë.
Δημοσίευση σχολίου
Δημοσίευση σχολίου