Dolma me lakër (laxanodolmadhes)

Përbërësit
Për mbushjen

• 1 kg mish viçi i grirë pa dhjamë nga pjesë e butë
• 1 1/4 filxhan oriz kokërrgjatë
• 5-6 qepë të njoma të grira
• 4 l.s kopër e grirë
• 2 l.s majdanoz i grirë
• 1 l.s nenexhik i thatë ose dyfishin i njomë
• 2 l.k kripë
• 1/4 l.k piper
• 2 l.s vaj ulliri

Për mbështjellien dhe lëngun

• 1 lakër e madhe
• 1 karrot e prerë në rrathë
• 1 filxhan 250 ml vaj ulliri
• 1 kg lëng perimesh nga një katrorë
• 3/4 l.k kripë
• 1/8 l.k piper

Për salcën me vezë

• 2 vezë
• Lëng nga 1-2 limona varet sa me limon i duam
• 2-3 l.k niseshte

Përgatitja

• Presim me thikë të madhe dhe të mprehtë lakrën në qendër në formë koni dhe heqim pjesën e fortë.
• Vendosim lakrën në tenxhere me pjesën e prerë në qendër nga poshtë. Mbushim tenxheren me ujë dhe lemë të ziejë lakrën 10 minuta e kthejmë lakrën të ziejë për disa minuta dhe nga pjesa e larte të zbuten fletët.
• Vendosim lakrën poshtë çezmës në ujë të rrjedhshëm të ftohet dhe heqim fletët një nga një duke i vendosur në një pjatë.

Përgatisim mbushjen

• Presim qepët hollë, majdanozin dhe koprën, presim dhe karotën në rrathë. Përziejmë mishin e grirë me orizin, dhe hedhim dhe qepët dhe erëzat e prera më parë, shtojmë nenexhikun, kripë, piper dhe 2 lugë supe vajë ulliri, përziejmë mirë me dorë.
• Marrim çdo fletë lakre dhe e presim me një thikë pjesën e fortë, mbajmë vetëm fletët e buta të lakrës. Në çdo fletë vendosim një lugë supe nga mbushja, mbështjellim anët më parë na brenda më vonë mesin duke e mbyllur dollmanë. Mbështjellim të gjitha dollmatë njëlloj.
• Në një tenxhere të madhe shtrojmë fleta lakre që na kanë mbetur, duke bërë një shtresë në tenxhere, dhe më vonë radhisim një shtresë dollma, hedhim gjymat e karotave, shtrojmë prapë dollmatë e mbetura dhe përsipër hedhim karotat e mbetura.
• Hedhim ujin e nxehtë ku kemi shkrirë më parë katrorin sa të mbulohen dollmatë, vajin e ullirit pak krip, piper, dhe vendosim një pjatë përmbys mbi dollmatë ti mbaj poshtë.
• Pasi të kenë marrë valë dollmatë ulim temperaturën në të mesme drejt të lartës dhe ziejmë dollmatë për 30-40 minuta pa kapak.
• Heqim dollmatë nga zjarri dhe i lëmë 10' të ftohen. Kthejmë tenxheren mënjanë në një tas të marrim lëngun e tyre.
• Godasim vezët me një rrahëse vezësh fortë, shtojmë lëngun e limonit ku kemi hedhur brenda niseshtenë duke rrahur vazhdimisht masën, shtojmë lëngun që morëm nga dollmatë pak nga pak mos të pritet salca, duke goditur masën vazhdimisht, dhe nëse dëshirojmë me më shumë lëng dollmatë shtojmë pak ujë të nxehtë. Hedhim salcën e përgatitur në tenxhere pak nga pakë duke tundur tenxheren vazhdimisht. Shërbejmë dollmatë me piper të zi përsipër.