Përbërësit
- 30 gr maja buke
- 1/2 gotë ujë te vakët
- 1/2 gotë qumësht i vakët
- 1 1/2 lugë e vogël sheqer
- 1 lugë e vogël kripë
- 2 lugë gjalpë ose margarinë
- 1 vezë
- 750 gr miell (pothuajse)
- Marrim maja të butë sa një kokërr arre, ose te thatë një pako (9 gr), e vendosim në një tas të thellë e trazojmë me ujin e vakët dhe sheqerin dhe e lëmë sa të nxjerr flluska.
- Shtojmë qumështin, kripën, 2 lugë gjelle gjalpë dhe vezën. Duke trazuar mirë shtojmë miellin dhe e punojmë mirë sa të bëhet një masë elastike jo shumë e ngurtë e mbulojmë të dyfishohet në vend të ngrohtë.
- E punojmë të iki ajri dhe e ndajmë në toptha të vogla i mbulojmë dhe për 15 minuta të tjera.
- Hapim topthat në petë të vogla me dorë dhe vendosim mbushjen tonë të preferuar dhe mbyllim petën në te dyja anët.
- Përpara se ti pjekim në tigan i tërheqim pak nga të dyja anët të marrin formë vezore.
- Pjekim në tigan me vaj të bollshëm duke i kthyer në të dy krahët të marrin ngjyrë, i nxjerrim me lugë me vrima dhe i vendosim në letër kuzhine të iki vaji i tepërt.
Mbushje për piroski
Piroski me patate
- 4 patate
- 1 qepë
- Kripë
- Piper
- Kopër
- Ziejmë patatet dhe u heqim zhapën i shtypim me një lugë.
- Në një tigan vendosim pak vaj hedhim qepën të grirë sipas dëshirës, kaurdisim qepën dhe më pas shtojmë patatet.
- Shtojmë kripë, piper, kopër ( sipas dëshirës) trazojmë dhe e lëmë masën të ftohet.
- 250 gr djathë i bardhë
- Coptojmë djathin dhe mbushim piroskit.
- 300 gr mish i grirë
- 1 qepë
- 3 domate të grirë në rende ose salcë të hollë
- Majdanoz
- Kripë, piper
- Kaurdisim një qepë në pak vaj dhe shtojmë mishin e grirë.
- Hedhim pakë ujë të ziej mirë shtojmë domaten e grirë dhe pakë majdanoz të grirë.
- Shtojmë kripë, piper dhe e lëmë të ziej sa të mbetet me salcën vetëm.
- E kullojmë në një kullesë të iki lëngu nga mishi dhe mbushim brumin
Δημοσίευση σχολίου
Δημοσίευση σχολίου