Pastiçe

Përbërësit

Për mishin e grirë

• 1 kg mish i geirë i përzier (500gr viçi 500gr dërri)
• Vaj ulliri
• 1 qep e madhe
• 2 thelpinj hudhër
• 1 gotë verë e kuqe
• 1 kuti lëng domate (400 gr)
• 1 lugë supe pelte domate
• 1 dru kanelle
• 1 brez arrë myshku 
• 5 kokrra bakari (bachar)
• 5 kokrra piper i zi
• 1 lugë kafeje sheqer
• Dy të bardha veze
• Majdanoz i grire
• 2 lug supe krem qumështi
• Për pastiçen
• 1 paket makarona  N 2
• 200 gr djathë i bardhë dhe kaçkavall i grirë për të spërkatur pastiçon përsipër pak vaj dhe bukë e thatë e thërrmuar për tepsin.
• Për beshamelin
• 4-5 lugë supe gjalpë ose margarinë
• 3-4 lugë supe miell
• 4-5 filxhan qumësht
• Një brez arrë myshku
• Krip,piper
• 2 të verdha veze.

Pergatitja

Në një tigan të thellë hedhim vaj kaurdisim qepën sa të zverdhet pak,shtojmë kiman të kaurdiset shtojmë bakarikat, krip, piper, bakari, kanellën dhe arrën e myshkut, shuajmë me verë, shtojmë kutin me lëng domate, pelten, sheqerin dhe ziejmë ne temperaturë të ulët sa të mbetet me pak lëng. Shtojmë pak ujë po të jetë e nevojshme. Lemë të ftohet pak mishi me salcën. 

Në një pjatë rrahim të bardhat e vezës me kremin e qumështit dhe majdanozin, e hedhim ne kiman e ftohur dhe trazojmë.

Në të njëjtën kohë ziejmë makaronat në ujë të bollshëm me krip dhe pak vaj.  Kullojmë makaronat shtojmë djathin e bardh te thërrmuar me dorë dhe  trazojmë.

Beshamel
Në një tenxhere që nuk ngjit hedhim gjalpin më pas miellin duke trazuar shpejt, shtojmë qumështin, të verdhat e vezëve, krip, piper, arrë myshku dhe trazojmë shpejt sa të mpikset dhe të marri valë.

Në një tepsi që kemi lyer me vaj shkoqim bukë të thatë galet.

Hedhim gjysmat e makaronave, më pas gjysmën e mishit, prapë makaronat e mbetura dhe mishin e mbetur, salcën beshamel dhe në fund djathin kaçkavall përsipër.