Pica special

Përbërësit

Për brumin

• 2 1/2 e gotës miell
• 1 lugë supe vaj
• 1/2 lugë kafeje krip
• 1/2 lugë kafeje sheqer
• 2 lugë supe krem qumështi
• 2 lugë kafeje maja buke

Për salcën

• 1/2 e kutisë salcë domate pumaro
• 1 lugë kafeje e prerë borzilok
• 1/2 lugë kafeje kripë
• 1/2 e lugës kafes sheqer

Për picën

• 12 flete sallam pule deti ose zambon për tostë
• 400 gr djathë kaçkavall (guda)
• 1 spec e prerë në rrath
• 7 fletë proshutë (bejkon) i prerë ne fije të gjata
• 1 filxhan kërpudha të lara dhe të thara mirë.

Brumi

• Në një tas vendosim miellin, shtojmë vajin, sheqerin, kripën, në një gotë me ujë të vakt hedhim majanë të shkrij duke e trazuar me lugë, shtojmë dhe kremin e qumështit dhe e trazojmë. 
• Fillojmë dhe zëmë brumin duke shtuar ujin me majanë, kujdesemi që të bëhet një brumë elastik, nëse nevojitet shtojmë dhe pak miell tjetër, e mbulojmë brumin me një pecetë ndërkohë që  përgatisim salcën.

Salca

• Në një tenxhere vendosim të gjithë përbërësit dhe ziejmë për 5-10 minuta.

Përgatitja

• Marrim një tepsi të madhe i hedhim pak miell të mos ngjit brumi vendosim brumin në mes dhe e hapim me dorë ose me rrulin e vogël, e hapim brumin në të gjithë tepsinë mirë me gishtat, bëjmë gropa te vogla dhe me një lugë hedhim salcën e përgatitur përsipër. 
• Hedhim përsipër 3/4 e djathit, zambonin, proshutën kërpudhat dhe djathin e mbetur. 
• Fusim tavën në furrën e nxehur paraprakisht në 180° dhe pjekim picën 20-30 minuta  kjo varet nga furra që kemi.